அப்துல்லாஹ் பின் அம்ர் பின் அல்-ஆஸ் (ரழி) அவர்கள் அறிவித்தார்கள்:
நபி (ஸல்) அவர்கள், இப்ராஹீம் (அலை) அவர்கள் கூறிய, "என் இறைவா! நிச்சயமாக அவை (சிலைகள்) மக்களில் பலரை வழி கெடுத்துவிட்டன. எனவே, யார் என்னைப் பின்பற்றுகிறாரோ அவர் என்னைச் சேர்ந்தவர்." (14:36) என்ற மற்றும் ஈஸா (அலை) அவர்கள் கூறிய, "நீ அவர்களைத் தண்டித்தால் அவர்கள் உன்னுடைய அடிமைகளே. நீ அவர்களை மன்னித்தால், நிச்சயமாக நீயே யாவரையும் மிகைத்தவன், ஞானமிக்கவன்." (5:118) என்ற மேன்மையும் மகத்துவமும் மிக்க அல்லாஹ்வின் வார்த்தைகளை ஓதினார்கள். பிறகு, அவர்கள் தம் கைகளை உயர்த்தி, "யா அல்லாஹ்! என் உம்மத், என் உம்மத்" என்று கூறி அழுதார்கள். அப்போது மேன்மைமிக்க அல்லாஹ் கூறினான்: "ஓ ஜிப்ரீல்! முஹம்மத் (ஸல்) அவர்களிடம் சென்று -உமது இறைவன் நன்கறிந்தவன்- 'உங்களை அழவைப்பது எது?' என்று கேளும்." அவ்வாறே ஜிப்ரீல் (அலை) அவர்கள் நபி (ஸல்) அவர்களிடம் வந்தார்கள். அல்லாஹ்வின் தூதர் (ஸல்) அவர்கள் தாம் கூறியதை (அதாவது, தாம் அழுததற்கான காரணத்தை) ஜிப்ரீலிடம் தெரிவித்தார்கள்; அல்லாஹ் அதை நன்கு அறிந்தவன். அப்போது அல்லாஹ் கூறினான்: "ஜிப்ரீல், முஹம்மத் (ஸல்) அவர்களிடம் சென்று கூறுங்கள்: 'நிச்சயமாக, உமது உம்மத் விஷயத்தில் நாம் உம்மை திருப்திப்படுத்துவோம், உம்மை ஒருபோதும் அதிருப்திக்குள்ளாக்க மாட்டோம்'."
முஸ்லிம்.