حَدَّثَنَا عَبْدُ اللَّهِ بْنُ يُوسُفَ، حَدَّثَنَا اللَّيْثُ، حَدَّثَنَا ابْنُ الْهَادِ، عَنْ عَبْدِ اللَّهِ بْنِ خَبَّابٍ، عَنْ أَبِي سَعِيدٍ الْخُدْرِيِّ ـ رضى الله عنه ـ أَنَّهُ سَمِعَ النَّبِيَّ صلى الله عليه وسلم وَذُكِرَ عِنْدَهُ عَمُّهُ فَقَالَ لَعَلَّهُ تَنْفَعُهُ شَفَاعَتِي يَوْمَ الْقِيَامَةِ، فَيُجْعَلُ فِي ضَحْضَاحٍ مِنَ النَّارِ، يَبْلُغُ كَعْبَيْهِ، يَغْلِي مِنْهُ دِمَاغُهُ . حَدَّثَنَا إِبْرَاهِيمُ بْنُ حَمْزَةَ حَدَّثَنَا ابْنُ أَبِي حَازِمٍ وَالدَّرَاوَرْدِيُّ عَنْ يَزِيدَ بِهَذَا، وَقَالَ تَغْلِي مِنْهُ أُمُّ دِمَاغِهِ.
அபூ சயீத் அல்குத்ரீ (ரலி) அவர்கள் கூறியதாவது:
நபி (ஸல்) அவர்களிடம் அவர்களுடைய பெரிய தந்தை (அபூ தாலிப்) பற்றிக் குறிப்பிடப்பட்டது. அப்போது நபி (ஸல்) அவர்கள், "மறுமை நாளில் எனது பரிந்துரை அவருக்குப் பயனளிக்கக்கூடும். (அதனால்) நரகத்தின் ஆழமற்ற ஒரு பகுதியில் அவர் வைக்கப்படுவார். (நெருப்பு) அவரின் கணுக்கால்கள் வரை எட்டும். அதனால் அவரின் மூளை கொதிக்கும்" என்று கூறினார்கள்.
யஸீத் (ரஹ்) அவர்கள் வாயிலாக வரும் அறிவிப்பில், "அதனால் அவருடைய மூளையின் உறை கொதிக்கும்" என்று இடம்பெற்றுள்ளது.
حَدَّثَنَا إِبْرَاهِيمُ بْنُ حَمْزَةَ، حَدَّثَنَا ابْنُ أَبِي حَازِمٍ، وَالدَّرَاوَرْدِيُّ، عَنْ يَزِيدَ، عَنْ عَبْدِ اللَّهِ بْنِ خَبَّابٍ، عَنْ أَبِي سَعِيدٍ الْخُدْرِيِّ ـ رضى الله عنه ـ أَنَّهُ سَمِعَ رَسُولَ اللَّهِ صلى الله عليه وسلم وَذُكِرَ عِنْدَهُ عَمُّهُ أَبُو طَالِبٍ فَقَالَ لَعَلَّهُ تَنْفَعُهُ شَفَاعَتِي يَوْمَ الْقِيَامَةِ فَيُجْعَلُ فِي ضَحْضَاحٍ مِنَ النَّارِ، يَبْلُغُ كَعْبَيْهِ، يَغْلِي مِنْهُ أُمُّ دِمَاغِهِ .
அபூ ஸயீத் அல்குத்ரீ (ரழி) அவர்கள் அறிவித்தார்கள்:
தங்கள் பெரிய தந்தை அபூ தாலிப் அவர்கள் தங்களுக்கு முன்னிலையில் குறிப்பிடப்பட்டபோது, அல்லாஹ்வின் தூதர் (ஸல்) அவர்கள், "ஒருவேளை மறுமை நாளில் என்னுடைய பரிந்துரை அவருக்கு (அபூ தாலிப் அவர்களுக்கு) பயனளிக்கலாம்; அதனால் அவர் நரகத்தில் ஆழமில்லாத ஓர் இடத்தில் வைக்கப்படலாம்; (அங்கு) நெருப்பு அவரின் கணுக்கால்கள் வரை எட்டும்; மேலும் அவரின் மூளையைக் கொதிக்கச் செய்யும்" என்று கூறுவதை நான் கேட்டேன்.