சஹ்ல் பின் சஅத் (ரழி) அவர்கள் அறிவித்தார்கள்:

நபி (ஸல்) அவர்கள் கூறினார்கள்: "நிச்சயமாக! என்னுடைய உம்மத்தினரில் 70,000 பேர் - அல்லது 700,000 பேர் - (சொர்க்கத்தில்) நுழைவார்கள். அவர்களில் கடைசியானவர் நுழையும் வரை அவர்களில் முதலானவர் நுழையமாட்டார். அவர்களின் முகங்கள் பௌர்ணமி இரவின் நிலவு போன்ற தோற்றத்தில் இருக்கும்."

ஸஹ்ல் பின் ஸஅத் (ரலி) அவர்கள் அறிவித்தார்கள்:
நபி (ஸல்) அவர்கள் கூறினார்கள்: "நிச்சயமாக என் உம்மத்தினரில் எழுபதாயிரம் பேர் அல்லது ஏழு இலட்சம் பேர் - (இந்த இரண்டில் ஒன்றின் மீது அறிவிப்பாளருக்குச் சந்தேகமுள்ளது) - சொர்க்கத்தில் நுழைவார்கள். அவர்களில் முதலாமவரும் இறுதியானவரும் (சொர்க்கத்தில்) நுழையும் வரை, அவர்கள் ஒருவரையொருவர் பற்றிக்கொண்டிருப்பார்கள். அவர்களுடைய முகங்கள் பௌர்ணமி இரவின் சந்திரனைப் போன்று இருக்கும்."

ஸஹ்ல் பின் ஸஅத் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள்: "என் உம்மத்தினரில் எழுபது ஆயிரம் அல்லது ஏழு லட்சம் பேர் சொர்க்கத்தில் நுழைவார்கள். – (இவ்விரண்டில் எதை அவர்கள் கூறினார்கள் என்பதை அபூ ஹாஸிம் அறியமாட்டார்.) – அவர்கள் (இறுகப்) பிணைந்திருப்பார்கள்; அவர்களில் ஒருவர் மற்றவரைப் பற்றிக்கொண்டிருப்பார்கள். அவர்களில் கடைசி நபர் நுழையும் வரை அவர்களில் முதலாமவர் நுழையமாட்டார். அவர்களுடைய முகங்கள் பௌர்ணமி இரவின் சந்திரனைப் போன்று இருக்கும்."