أَخْبَرَنَا إِسْحَاقُ بْنُ إِبْرَاهِيمَ، قَالَ أَنْبَأَنَا عَبْدُ الرَّزَّاقِ، قَالَ أَنْبَأَنَا الثَّوْرِيُّ، عَنْ عَمْرِو بْنِ قَيْسٍ الْمُلاَئِيِّ، عَنِ الْحَكَمِ بْنِ عُتَيْبَةَ، عَنِ الْقَاسِمِ بْنِ مُخَيْمِرَةَ، عَنْ شُرَيْحِ بْنِ هَانِئٍ، عَنْ عَلِيٍّ، - رضى الله عنه - قَالَ جَعَلَ رَسُولُ اللَّهِ صلى الله عليه وسلم لِلْمُسَافِرِ ثَلاَثَةَ أَيَّامٍ وَلَيَالِيَهُنَّ وَيَوْمًا وَلَيْلَةً لِلْمُقِيمِ يَعْنِي فِي الْمَسْحِ .
அலி (ரழி) அவர்கள் கூறினார்கள்:
"அல்லாஹ்வின் தூதர் (ஸல்) அவர்கள் பயணிக்கு மூன்று பகல்களும் மூன்று இரவுகளும், உள்ளூரில் வசிப்பவருக்கு ஒரு பகலும் ஒரு இரவும் காலக்கெடுவை நிர்ணயித்தார்கள் - அதாவது, (குஃப்ஃபுகளின் மீது) மஸ்ஹு செய்வது தொடர்பாக."
"நான் ஆயிஷா (ரழி) அவர்களிடம் குஃப்கள் மீது மஸ்ஹு செய்வது பற்றி கேட்டேன். அதற்கு அவர்கள், 'அலீ (ரழி) அவர்களிடம் செல்லுங்கள், ஏனெனில் அதுபற்றி என்னை விட அவர் அதிகம் அறிந்தவர்' என்றார்கள். எனவே நான் அலீ (ரழி) அவர்களிடம் சென்று (குஃப்கள் மீது) மஸ்ஹு செய்வது பற்றிக் கேட்டேன். அதற்கு அவர்கள், 'அல்லாஹ்வின் தூதர் (ஸல்) அவர்கள், உள்ளூரில் வசிப்பவருக்கு ஒரு பகல் ஓர் இரவும், பயணிக்கு மூன்று நாட்களும் (குஃப்கள் மீது) மஸ்ஹு செய்யுமாறு எங்களுக்குக் கூறுவார்கள்' என்று கூறினார்கள்."
ஷுரைஹ் பின் ஹானி (ரழி) அவர்கள் அறிவித்தார்கள்:
"நான் ஆயிஷா (ரழி) அவர்களிடம் தோலாலான காலுறைகள் மீது மஸஹ் செய்வது பற்றிக் கேட்டேன். அதற்கு அவர்கள், 'அலீ (ரழி) அவர்களிடம் சென்று கேளுங்கள், ஏனெனில், அது பற்றி என்னை விட அவர்கள் அதிகம் அறிந்தவர்கள்' என்று கூறினார்கள். எனவே நான் அலீ (ரழி) அவர்களிடம் சென்று மஸஹ் செய்வது பற்றிக் கேட்டேன். அதற்கு அவர்கள், 'உள்ளூரில் தங்கியிருப்பவர் ஒரு பகலும் ஓர் இரவும், பயணி மூன்று நாட்களும் மஸஹ் செய்யலாம் என அல்லாஹ்வின் தூதர் (ஸல்) அவர்கள் எங்களுக்குக் கூறுவார்கள்' என்று கூறினார்கள்."