أَخْبَرَنَا أَحْمَدُ بْنُ سُلَيْمَانَ، قَالَ حَدَّثَنَا أَبُو نُعَيْمٍ، قَالَ حَدَّثَنَا زُهَيْرٌ، عَنْ أَبِي إِسْحَاقَ، عَنْ أَبِي الأَحْوَصِ، عَنْ أَبِيهِ، أَنَّهُ أَتَى النَّبِيَّ صلى الله عليه وسلم فِي ثَوْبٍ دُونٍ فَقَالَ لَهُ النَّبِيُّ صلى الله عليه وسلم " أَلَكَ مَالٌ " . قَالَ نَعَمْ مِنْ كُلِّ الْمَالِ . قَالَ " مِنْ أَىِّ الْمَالِ " . قَالَ قَدْ آتَانِيَ اللَّهُ مِنَ الإِبِلِ وَالْغَنَمِ وَالْخَيْلِ وَالرَّقِيقِ . قَالَ " فَإِذَا آتَاكَ اللَّهُ مَالاً فَلْيُرَ عَلَيْكَ أَثَرُ نِعْمَةِ اللَّهِ وَكَرَامَتِهِ " .
அபூ அல்-அஹ்வஸ் அவர்கள், தம் தந்தை (மாலிக் பின் நத்லா ரழி) வழியாக அறிவித்தார்கள்:
அவர் மட்டமான ஆடை அணிந்தவராக நபி (ஸல்) அவர்களிடம் வந்தார். நபி (ஸல்) அவர்கள் அவரிடம், "உம்மிடம் ஏதேனும் செல்வம் உண்டா?" என்று கேட்டார்கள். அதற்கு அவர், "ஆம், எல்லா வகையான செல்வங்களும் உள்ளன" என்று கூறினார். அவர்கள், "எவ்வகையான செல்வம்?" என்று கேட்டார்கள். அதற்கு அவர், "அல்லாஹ் எனக்கு ஒட்டகங்கள், ஆடுகள், குதிரைகள் மற்றும் அடிமைகளைத் தந்துள்ளான்" என்று கூறினார். அவர்கள், "அல்லாஹ் உமக்குச் செல்வத்தை வழங்கியிருந்தால், அல்லாஹ்வின் அருட்கொடை மற்றும் கண்ணியத்தின் அடையாளம் உம்மீது காணப்படட்டும்" என்று கூறினார்கள்.
அபுல் அஹ்வஸ் தனது தந்தை (ரழி) அவர்கள் கூறியதாக அறிவிக்கிறார்:
நான் நபிகள் நாயகம் (ஸல்) அவர்களிடம் (அவரது செல்வத்திற்குப் பொருத்தமில்லாத) தரக்குறைவான ஆடை அணிந்து வந்தேன். அப்போது அவர்கள், "உன்னிடம் செல்வம் ஏதேனும் உள்ளதா?" என்று கேட்டார்கள். அதற்கு நான், "ஆம்" என்று கூறினேன். "எவ்வகையான செல்வம்?" என்று அவர்கள் கேட்டார்கள். அதற்கு நான், "அல்லாஹ் எனக்கு ஒட்டகங்கள், ஆடுகள், குதிரைகள் மற்றும் அடிமைகளை வழங்கியுள்ளான்" என்று கூறினேன். அப்போது அவர்கள், "அல்லாஹ் உனக்குச் செல்வத்தை வழங்கும்போது, அல்லாஹ்வின் அருட்கொடை மற்றும் அவனது கண்ணியத்தின் அடையாளம் உன் மீது காணப்படட்டும்" என்று கூறினார்கள்.
அபுல் அஹ்வஸின் தந்தை மாலிக் (ரழி) அவர்கள் அறிவிக்கிறார்கள்:
நான், "அல்லாஹ்வின் தூதரே! நான் ஒரு மனிதரைக் கடந்து செல்கிறேன்; ஆனால் அவர் என்னை விருந்தினராக உபசரிக்கவுமில்லை, எனக்கு உணவளிக்கவுமில்லை. பின்னர் (ஒருநாள்) அவர் என்னைக் கடந்து செல்கிறார். (அவர் செய்ததைப் போன்றே) நான் அவருக்குப் பிரதிபலன் செய்யவா?" என்று கேட்டேன்.
அதற்கு நபி (ஸல்) அவர்கள், "இல்லை! (அவர் செய்யாவிட்டாலும்) நீங்கள் அவருக்கு விருந்தளியுங்கள்" என்று கூறினார்கள்.
(மேலும்) மாலிக் (ரழி) அவர்கள் கூறுகிறார்கள்: நபி (ஸல்) அவர்கள் என்னைப் பழைய, கந்தலான ஆடைகளில் பார்த்தார்கள். அப்போது, "உன்னிடம் ஏதேனும் செல்வம் இருக்கிறதா?" என்று கேட்டார்கள்.
அதற்கு நான், "வல்லமையும் மாண்பும் மிக்க அல்லாஹ் எனக்கு ஒட்டகங்கள், ஆடுகள் என அனைத்து வகையான செல்வங்களையும் வழங்கியுள்ளான்" என்று கூறினேன்.
அதற்கு நபி (ஸல்) அவர்கள், "அவ்வாறாயின், அல்லாஹ் உமக்கு வழங்கிய அருட்கொடையின் அடையாளம் உம்மீது (உமது ஆடை மற்றும் தோற்றத்தில்) காணப்படட்டும்!" என்று கூறினார்கள்.
ஹதீஸ் தரம் : இஸ்னாதுஹு ஸஹீஹ் (இதன் அறிவிப்பாளர் தொடர் ஆதாரபூர்வமானது)
அபுல் அஹ்வஸ் அவர்கள், தனது தந்தை (ரழி) அவர்கள் கூறியதாக அறிவித்தார்கள்:
நான் சாதாரணமான (தரமற்ற) ஆடையணிந்து அல்லாஹ்வின் தூதர் (ஸல்) அவர்களிடம் வந்தேன். அவர்கள் என்னிடம், “உன்னிடம் செல்வம் இருக்கின்றதா?” என்று கேட்டார்கள். நான் “ஆம்” என்றேன். அவர்கள், “எவ்வகையான செல்வம்?” என்று கேட்டார்கள். அதற்கு நான், “எல்லா வகையும் உண்டு; அல்லாஹ் எனக்கு ஒட்டகங்கள், மாடுகள், குதிரைகள் மற்றும் அடிமைகளை வழங்கியுள்ளான்” என்று கூறினேன். பின்னர் அவர்கள், “அல்லாஹ் உனக்குச் செல்வத்தை வழங்கியிருந்தால், அல்லாஹ்வின் அருட்கொடையினதும் அவனது கண்ணியத்தினதும் அடையாளம் (உன் தோற்றத்தில்) வெளிப்படட்டும்” என்று கூறினார்கள்.
இதனை அஹ்மத் மற்றும் நஸாயீ ஆகியோர் அறிவித்துள்ளார்கள். ஷர்ஹ் அஸ்-சுன்னாவில், அல்-மஸாபீஹ் இல் உள்ள வாசகமே இடம்பெற்றுள்ளது.