இப்னு உமர் (ரலி) அவர்கள் கூறியதாவது:
அல்லாஹ்வின் தூதர் (ஸல்) அவர்கள், தமது வாகனம் எத்திசையை முன்னோக்கிச் சென்றாலும் அதன் மீது (நஃபிலான தொழுகைகளை) தொழுவார்கள்.
அப்துல்லாஹ் பின் தீனார் (ரஹ்) அவர்கள், "இப்னு உமர் (ரலி) அவர்களும் அவ்வாறே செய்வார்கள்" என்று கூறினார்கள்.
இப்னு உமர் (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்கள் மக்காவிலிருந்து மதீனாவிற்குத் திரும்பி வரும்போது தமது வாகனப் பிராணியின் மீது (இருந்தவாறே உபரித் தொழுகைகளை) தொழுவார்கள். இது குறித்து இந்த வசனம் அருளப்பட்டது: 'ஃபஅய்னமா துவல்லூ ஃபஸம்ம வஜ்ஹுல்லாஹ்' (எனவே நீங்கள் எங்கு திரும்பினாலும் அங்கே அல்லாஹ்வின் முகம் இருக்கிறது).