உம்மு ஹுஸைன் (ரழி) அவர்கள் கூறியதாவது:
நான் நபி (ஸல்) அவர்களின் ஹஜ்ஜின் போது ஹஜ் செய்தேன். அப்போது, பிலால் (ரழி) அவர்கள் நபி (ஸல்) அவர்களின் வாகனத்தின் கடிவாளத்தைப் பிடித்து இழுத்துச் செல்வதையும், உஸாமா பின் ஸைத் (ரழி) அவர்கள் வெப்பத்திலிருந்து அவர்களுக்கு நிழல் கொடுப்பதற்காகத் தங்களின் ஆடையை அவர்களுக்கு மேல் உயர்த்திப் பிடித்திருப்பதையும் நான் கண்டேன். (அப்போது) நபி (ஸல்) அவர்கள் ஜம்ரத்துல் அகபாவில் கல் எறியும் வரை இஹ்ராம் நிலையில் இருந்தார்கள். பிறகு அவர்கள் மக்களுக்கு உரை நிகழ்த்தினார்கள். அதில் அல்லாஹ்வைப் போற்றிப் புகழ்ந்து, பல விஷயங்களைக் குறிப்பிட்டார்கள்.

உம்முல் ஹுஸைன் (ரழி) அவர்கள் கூறினார்கள்: நாங்கள் நபி (ஸல்) அவர்களுடன் விடைபெறும் ஹஜ்ஜை (இறுதி ஹஜ்ஜை) நிறைவேற்றினோம். அப்போது நான் உஸாமா (ரழி) அவர்களையும் பிலால் (ரழி) அவர்களையும் பார்த்தேன். அவர்களில் ஒருவர் நபி (ஸல்) அவர்களின் பெண் ஒட்டகத்தின் கடிவாளத்தைப் பிடித்துக் கொண்டிருக்க, மற்றொருவர் தனது ஆடையை உயர்த்தி, (நபி (ஸல்) அவர்களுக்கு) வெயிலிலிருந்து நிழல் கொடுத்துக் கொண்டிருந்தார். (இவ்விருவரும் நபி (ஸல்) அவர்களுக்குத் தொடர்ந்து பணிவிடை செய்து கொண்டிருந்தனர்) நபி (ஸல்) அவர்கள் ஜம்ரத்துல் அகபாவில் கல் எறியும் வரை.