அப்துல்லாஹ் பின் அம்ர் (ரலி) அவர்கள் கூறியதாவது:
நபி (ஸல்) அவர்கள் ஜம்ராவிற்கு அருகில் இருக்க, (மக்கள்) அவர்களிடம் கேள்விகள் கேட்டுக் கொண்டிருந்தபோது நான் அவர்களைக் கண்டேன். ஒரு மனிதர், "அல்லாஹ்வின் தூதரே! நான் ரமீ செய்வதற்கு முன்பே அறுத்துவிட்டேன்" என்று கேட்டார். நபி (ஸல்) அவர்கள், "ரமீ செய்யுங்கள்; (அதனால்) குற்றமில்லை" என்று பதிலளித்தார்கள். மற்றொருவர், "அல்லாஹ்வின் தூதரே! நான் அறுப்பதற்கு முன்பே தலையை மழித்துவிட்டேன்" என்று கேட்டார். நபி (ஸல்) அவர்கள், "அறுங்கள்; (அதனால்) குற்றமில்லை" என்று பதிலளித்தார்கள். (அச்சமயம் கிரியைகளை) முற்படுத்தியோ அல்லது பிற்படுத்தியோ செய்யப்பட்டது குறித்து எதைப் பற்றிக் கேட்கப்பட்டாலும், "செய்யுங்கள்; (அதனால்) குற்றமில்லை" என்றே அவர்கள் பதிலளித்தார்கள்.