இப்னு உமர் (ரழி) அவர்கள் அறிவித்தார்கள்:
பனூ அந்நதீர் மற்றும் பனூ குறைழா ஆகியோர் போரிட்டனர். எனவே நபி (ஸல்) அவர்கள் பனூ அந்நதீரையும் நாடு கடத்தினார்கள்; பனூ குறைழா கிளையினர் (மீண்டும்) போரிடும் வரையில், அவர்களை (நாடு கடத்தாமல்) அங்கேயே இருக்கச் செய்து, அவர்களுக்குக் கருணை காட்டினார்கள். (இறுதியில் அவர்களும்) போரிட்டபோது, அவர்களுடைய ஆண்களைக் கொன்றார்கள்; அவர்களுடைய பெண்களையும், பிள்ளைகளையும், உடைமைகளையும் முஸ்லிம்களிடையே பங்கிட்டார்கள். அவர்களில் சிலர் நபி (ஸல்) அவர்களிடம் வந்து சேர்ந்துகொண்டதைத் தவிர; அவர்களுக்கு நபி (ஸல்) அவர்கள் பாதுகாப்பு அளித்தார்கள்; அவர்களும் இஸ்லாத்தை ஏற்றுக்கொண்டார்கள். (மேலும்) நபி (ஸல்) அவர்கள் மதீனாவிலிருந்த யூதர்கள் அனைவரையும் நாடு கடத்தினார்கள். அவர்கள்: பனூ கைனுகா கூட்டத்தினர் -இவர்கள் அப்துல்லாஹ் பின் ஸலாம் (ரழி) அவர்களின் குலத்தாராவர்-, பனூ ஹாரிஸா யூதர்கள் மற்றும் மதீனாவிலிருந்த ஏனைய யூதர்கள் அனைவரும் ஆவர்.

இப்னு உமர் (ரழி) அவர்கள் கூறினார்கள்:
“யூதர்களான பனூ அந்நதீர் மற்றும் குறைழா குலத்தினர் அல்லாஹ்வின் தூதர் (ஸல்) அவர்களுடன் போரிட்டார்கள். எனவே, அல்லாஹ்வின் தூதர் (ஸல்) அவர்கள் பனூ அந்நதீர் குலத்தாரை வெளியேற்றிவிட்டு, குறைழா குலத்தாரை (அங்கேயே) இருக்க அனுமதித்து அவர்கள் மீது கருணை காட்டினார்கள். அதன்பிறகு குறைழா குலத்தாரும் போரிட்டார்கள். எனவே, நபி (ஸல்) அவர்கள் அவர்களின் ஆண்களைக் கொன்று, அவர்களின் பெண்களையும், குழந்தைகளையும், சொத்துக்களையும் முஸ்லிம்களிடையே பங்கிட்டார்கள்; அவர்களில் அல்லாஹ்வின் தூதர் (ஸல்) அவர்களுடன் வந்து இணைந்த சிலரைத் தவிர. நபி (ஸல்) அவர்கள் அவர்களுக்குப் பாதுகாப்பு அளித்தார்கள்; பின்னர் அவர்கள் இஸ்லாத்தை ஏற்றுக்கொண்டார்கள். அல்லாஹ்வின் தூதர் (ஸல்) அவர்கள் மதீனாவின் அனைத்து யூதர்களையும் முழுமையாக வெளியேற்றினார்கள்; (அவர்கள்) அப்துல்லாஹ் பின் ஸலாம் (ரழி) அவர்களின் சமூகத்தாரான பனூ கைனுகா குலத்தினர், பனூ ஹாரிஸா யூதர்கள் மற்றும் மதீனாவில் வசித்த மற்ற அனைத்து யூதர்களுமாவர்.”