அபூ துஃபைல் ஆமிர் இப்னு வாஸிலா (ரழி) அவர்கள் அறிவித்தார்கள்:

நான் அலீ இப்னு அபீ தாலிப் (ரழி) அவர்களுடன் இருந்தேன், அப்போது ஒருவர் அவர்களிடம் வந்து, "அல்லாஹ்வின் தூதர் (ஸல்) அவர்கள் உங்களுக்கு இரகசியமாக என்ன கூறினார்கள்?" என்று கேட்டார்.

அதன் பிறகு அலீ (ரழி) அவர்கள் கோபமுற்று, "அல்லாஹ்வின் தூதர் (ஸல்) அவர்கள் மக்களிடமிருந்து மறைத்து எனக்கு இரகசியமாக எதையும் கூறவில்லை; அவர்கள் எனக்கு நான்கு விஷயங்களைக் கூறினார்கள் என்பதைத் தவிர" என்று கூறினார்கள்.

அவர், "நம்பிக்கையாளர்களின் தளபதியே, அவை யாவை?" என்று கேட்டார்.

அவர்கள் கூறினார்கள்: "தன் தந்தையைச் சபித்தவனை அல்லாஹ் சபித்தான்; அல்லாஹ் அல்லாத மற்றவர்களுக்காகப் பலியிட்டவனை அல்லாஹ் சபித்தான்; மேலும் (மார்க்கத்தில்) ஒரு புதுமையைப் புகுத்துபவனுக்கு இடமளிப்பவனை அல்லாஹ் சபித்தான்; மேலும் நிலத்தின் மினாராக்களை (எல்லைக் கோடுகளை) மாற்றியவனை அல்லாஹ் சபித்தான்."

அபூ துஃபைல் (ரழி) அவர்கள் அறிவித்தார்கள்:

நாங்கள் அலீ பின் அபீ தாலிப் (ரழி) அவர்களிடம், 'அல்லாஹ்வின் தூதர் (ஸல்) அவர்கள் உங்களுக்கு இரகசியமாகத் தெரிவித்த ஏதேனும் ஒரு விஷயத்தைப் பற்றி எங்களுக்கு அறிவியுங்கள்' என்று கேட்டோம். அதற்கு அவர்கள் கூறினார்கள்: மக்களிடமிருந்து மறைத்து எனக்கு எதையும் அவர்கள் இரகசியமாகத் தெரிவிக்கவில்லை. ஆயினும், அவர்கள் (பின்வருமாறு) கூறுவதை நான் கேட்டிருக்கிறேன்: அல்லாஹ் அல்லாத வேறு எவருக்காகவேனும் அறுத்துப் பலியிடுபவனை அல்லாஹ் சபித்தான்; மேலும் (மார்க்கத்தில்) புதுமையை உருவாக்குபவனுக்கு அடைக்கலம் கொடுப்பவனையும் சபித்தான்; மேலும் தன் பெற்றோரைச் சபிப்பவனையும் அல்லாஹ் சபித்தான்; மேலும் (தனக்குச் சொந்தமான நிலத்தின்) எல்லைக் கோடுகளை மாற்றுபவனையும் அல்லாஹ் சபித்தான்.

ஆமிர் பின் வாஸிலா (ரழி) அவர்கள் அறிவித்தார்கள்:

"ஒருவர் அலி (ரழி) அவர்களிடம், 'அல்லாஹ்வின் தூதர் (ஸல்) அவர்கள் மக்களுக்குச் சொல்லாத ஏதேனும் ஒன்றை உங்களுக்கு மட்டும் இரகசியமாகச் சொன்னார்களா?' என்று கேட்டார். அதைக் கேட்டு அலி (ரழி) அவர்கள் கோபமுற்று, அவர்களுடைய முகம் சிவந்துவிட்டது. பிறகு அவர்கள் கூறினார்கள்: 'மக்களுக்குச் சொல்லாத எதையும் அவர் (ஸல்) அவர்கள் எனக்கு இரகசியமாகச் சொல்லவில்லை. ஆனால், நானும் அவர்களும் வீட்டில் தனியாக இருந்தபோது நான்கு விஷயங்களை எனக்குச் சொன்னார்கள். அவர்கள் கூறினார்கள்: தன் தந்தையைச் சபிப்பவனை அல்லாஹ் சபிக்கிறான்; அல்லாஹ் அல்லாத மற்றவர்களுக்குப் பலியிடுபவனை அல்லாஹ் சபிக்கிறான்; ஒரு குற்றவாளிக்கு அடைக்கலம் கொடுப்பவனை அல்லாஹ் சபிக்கிறான்; மேலும், நிலத்தின் எல்லைக் குறியீடுகளை மாற்றுபவனையும் அல்லாஹ் சபிக்கிறான்.'" (ஸஹீஹ்)