அபூ ஹுரைரா (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள், "நபிமார்களில் ஒரு நபி (அலை) அவர்கள் ஒரு மரத்திற்குக் கீழே ஓய்வெடுத்துக் கொண்டிருந்தபோது, ஓர் எறும்பு அவரைக் கடித்துவிட்டது. ஆகவே, அவர்கள் தமது பயணப் பொருட்களை அம்மரத்தின் கீழிருந்து அகற்றிவிடும்படியும், பிறகு எறும்புகளின் வசிப்பிடத்திற்குத் தீ வைத்துவிடும்படியும் கட்டளையிட்டார்கள்; (அவ்வாறே) அது தீயிட்டு எரிக்கப்பட்டது. அப்போது அல்லாஹ் அவருக்கு, '(உம்மைக் கடித்த) ஓர் எறும்பை மட்டும் (நீர் தண்டித்திருக்க) வேண்டாமா?' என்று வஹீ (இறைச்செய்தி) அனுப்பினான்."

அபூ ஹுரைரா (ரழி) அவர்கள், அல்லாஹ்வின் தூதர் (ஸல்) அவர்கள் கூறுவதாக அறிவித்தார்கள்:

"நபிமார்களில் ஒருவர் ஒரு மரத்தின் கீழ் தங்கினார்கள். அப்போது ஓர் எறும்பு அவர்களைக் கடித்தது. உடனே அவர்கள் தங்களது உடைமைகளை அந்த மரத்தின் கீழிருந்து அகற்றுமாறு கட்டளையிட்டார்கள்; அவ்வாறே அவை (அங்கிருந்து) வெளியேற்றப்பட்டன. பிறகு அவர்கள் (அந்த எறும்புப் புற்றை எரிக்கக்) கட்டளையிட்டார்கள்; அவ்வாறே அது எரிக்கப்பட்டது. அப்போது அல்லாஹ் அவர்களுக்கு, '(உங்களைக் கடித்த) அந்த ஓர் எறும்பை மட்டும் (கொன்றிருக்க) கூடாதா?' என்று வஹீ (இறைச்செய்தி) அறிவித்தான்."

நபி (ஸல்) அவர்கள் கூறியதாக அபூ ஹுரைரா (ரலி) அவர்கள் அறிவிக்கிறார்கள்:

“நபிமார்களில் ஒருவர் ஒரு மரத்தின் கீழே தங்கினார். அப்போது அவரை ஓர் எறும்பு கடித்துவிட்டது. உடனே அவர் தமது பயணப் பொதியை (அங்கிருந்து) அகற்றுமாறு உத்தரவிட்டார்; அது அம்மரத்தின் கீழிருந்து அகற்றப்பட்டது. பின்னர் அவர் (அந்த எறும்புப் புற்றை) எரிக்குமாறு உத்தரவிட்டார்; அவ்வாறே அது எரிக்கப்பட்டது. அப்போது அல்லாஹ் அவருக்கு, ‘(உங்களைக் கடித்த) அந்த ஒரு எறும்பை மட்டும் (கொன்றிருக்க) கூடாதா?’ என்று வஹீ (இறைச்செய்தி) அறிவித்தான்.”