அபூஹுரைரா (ரழி) அவர்கள் கூறியதாவது:
அல்லாஹ்வின் தூதர் (ஸல்) அவர்கள் கூறினார்கள்:
"ஒவ்வொரு குழந்தையும் இயற்கை மரபிலேயே (ஃபித்ரா) பிறக்கிறது. பின்னர் அதன் பெற்றோர்களே அதனை யூதனாகவோ அல்லது கிறிஸ்தவனாகவோ ஆக்கிவிடுகிறார்கள். (இது,) ஒரு விலங்கு முழுமையான வடிவத்தில் குட்டியை ஈனுவதைப் போன்றதாகும்; அக்குட்டிகளில் காது துண்டிக்கப்பட்ட நிலையில் (பிறக்கும்) எதையேனும் நீங்கள் காண்கிறீர்களா?"

அவர்கள், "அல்லாஹ்வின் தூதரே! சிறு வயதிலேயே இறந்துவிட்டவர் பற்றி தாங்கள் என்ன கருதுகிறீர்கள்?" என்று கேட்டார்கள். அதற்கு அவர்கள், "அவர்கள் (உயிருடன் இருந்திருந்தால்) என்ன செய்திருப்பார்கள் என்பதை அல்லாஹ்வே நன்கறிவான்" என்று பதிலளித்தார்கள்.