இப்னு அப்பாஸ் (ரழி) அவர்கள் அறிவித்தார்கள்:
நபி (ஸல்) அவர்கள் கூறுவார்கள்:
'நான் உனது கண்ணியத்தைக் கொண்டு பாதுகாப்புத் தேடுகிறேன். உன்னைத் தவிர வணக்கத்திற்குரியவன் வேறு யாருமில்லை. நீ மரணிக்காதவன்; ஜின்களும் மனிதர்களும் மரணிக்கின்றனர்.'

இப்னு அப்பாஸ் (ரளியல்லாஹு அன்ஹுமா) அவர்கள் அறிவிக்கின்றார்கள்:
அல்லாஹ்வின் தூதர் (ஸல்) அவர்கள் (பின்வருமாறு) பிரார்த்திப்பவர்களாய் இருந்தார்கள்:

"அல்லாஹும்ம லக அஸ்லம்லு, வபிக ஆமன்து, வ அலைக்க தவக்கல்து, வ இலைக்க அனப்து, வபிக காஸம்து. அல்லாஹும்ம அஊது பிஇஸ்ஸதிக, லா இலாஹ இல்லா அன்த்த, அன் துளில்லனீ. அன்த்தல் ஹய்யுல்லதீ லா தமூது, வல்ஜின்னு வல்இன்ஸு யமூதூன்."

பொருள்: "யா அல்லாஹ்! உனக்கே நான் அடிபணிந்தேன்; உன்னையே நான் ஈமான் கொண்டேன்; உன் மீதே நான் நம்பிக்கை வைத்தேன்; உன் பக்கமே நான் திரும்பினேன்; உனது உதவியைக் கொண்டே நான் (சத்தியத்திற்காக) வழக்காடினேன். யா அல்லாஹ்! உன்னைத் தவிர வணக்கத்திற்குரியவன் வேறு யாருமில்லை. நீ என்னை வழிதவறச் செய்துவிடாதபடி, உனது வல்லமையைக் கொண்டு நான் பாதுகாப்புத் தேடுகிறேன். நீயே ஒருபோதும் மரணிக்காத உயிருள்ளவன்; ஆனால், ஜின்களும் மனிதர்களும் இறந்துவிடுவார்கள்."

(புகாரி மற்றும் முஸ்லிம்).