ஜரீர் (ரழி) அவர்கள் அறிவித்தார்கள்:
அறியாமைக் காலத்தில் 'துல் கலஸா' என்று அழைக்கப்பட்ட ஒரு (வழிபாட்டு) வீடு இருந்தது. அது 'யமன்வாசிகளின் கஃபா' என்றும் 'ஷாம்வாசிகளின் கஃபா' என்றும் அழைக்கப்பட்டது. நபி (ஸல்) அவர்கள் என்னிடம், "துல் கலஸாவிலிருந்து எனக்கு நீங்கள் நிம்மதி அளிக்க மாட்டீர்களா?" என்று கேட்டார்கள். எனவே, நான் நூற்று ஐம்பது குதிரை வீரர்களுடன் புறப்பட்டுச் சென்று, அதை இடித்துத் தகர்த்தோம்; அங்கு (அதன் பாதுகாப்பிற்காக) இருந்தவர்களைக் கொன்றோம். பிறகு நான் நபி (ஸல்) அவர்களிடம் வந்து (இச்செய்தியை) அவர்களுக்குத் தெரிவித்தேன். அவர்கள் எங்களுக்காகவும் 'அஹ்மஸ்' (கோத்திரத்தார்) அவர்களுக்காகவும் பிரார்த்தனை செய்தார்கள்.