அபூ ஸயீத் (ரழி) அவர்கள் அறிவித்தார்கள்:

ஒரு மனிதர் நபி (ஸல்) அவர்களிடம் வந்து, “என் சகோதரருக்கு வயிற்றுப்போக்கு ஏற்பட்டுள்ளது” என்றார்.

நபி (ஸல்) அவர்கள், “அவருக்குத் தேன் அருந்தக் கொடுங்கள்” என்றார்கள்.

அவர் (சென்று) புகட்டினார். பிறகு (திரும்பி வந்து), “நான் அவருக்குப் புகட்டினேன்; ஆனால் அது அவருக்கு வயிற்றுப்போக்கைத்தான் அதிகப்படுத்தியது” என்றார்.

அதற்கு நபி (ஸல்) அவர்கள், “அல்லாஹ் உண்மையே உரைத்தான்; உம் சகோதரரின் வயிறு பொய் சொல்லிவிட்டது” என்றார்கள்.

அபூ ஸயீத் அல்குத்ரீ (ரலி) அவர்கள் அறிவிக்கிறார்கள்:

ஒருவர் நபி (ஸல்) அவர்களிடம் வந்து, "என் சகோதரருக்கு வயிற்றுப்போக்கு ஏற்பட்டுள்ளது" என்றார். அதற்கு அல்லாஹ்வின் தூதர் (ஸல்) அவர்கள், "அவருக்குத் தேனைப் பருகக் கொடுப்பீராக" என்றார்கள்.

அவர் அவருக்குப் பருகக் கொடுத்தார். பின்னர் வந்து, "நான் அவருக்குத் தேனைப் பருகக் கொடுத்தேன்; ஆனால் அது அவருக்கு வயிற்றுப்போக்கை இன்னும் அதிகமாக்கிவிட்டதே தவிர வேறில்லை" என்றார்.

(நபி (ஸல்) அவர்கள்) அவரிடம் மூன்று முறை (இவ்வாறு) கூறினார்கள். பிறகு அவர் நான்காவது முறையாக வந்தார். அப்போதும், "அவருக்குத் தேனைப் பருகக் கொடுப்பீராக" என்று கூறினார்கள்.

அவர், "நான் அவருக்குப் பருகக் கொடுத்தேன். ஆனால், அது அவருக்கு வயிற்றுப்போக்கை இன்னும் அதிகமாக்கிவிட்டதே தவிர வேறில்லை" என்று கூறினார். அதற்கு அல்லாஹ்வின் தூதர் (ஸல்) அவர்கள், "அல்லாஹ் உண்மையையே உரைத்தான்; உம் சகோதரரின் வயிறு பொய் சொல்கிறது" என்று கூறினார்கள்.

ஆகவே, அவர் அவருக்குப் பருகக் கொடுத்தார்; அவர் குணமடைந்தார்.