ஜாபிர் பின் அப்துல்லாஹ் (ரழி) அவர்கள் அறிவித்தார்கள்:
நபி (ஸல்) அவர்கள் கூறினார்கள்: "உங்கள் பாத்திரங்களை மூடி வையுங்கள்; உங்கள் தண்ணீர் பைகளை இறுக்கிக் கட்டுங்கள்; உங்கள் கதவுகளைத் தாழிடுங்கள்; இஷா நேரத்தில் உங்கள் குழந்தைகளை (வெளியே செல்லவிடாமல்) தடுத்துக் கொள்ளுங்கள். ஏனெனில், (அந்த நேரத்தில்) ஜின்கள் பரவிப் பறித்துச் செல்கின்றன. நீங்கள் படுக்கைக்குச் செல்லும்போது உங்கள் விளக்குகளை அணைத்துவிடுங்கள். ஏனெனில், (எலி போன்ற) சிறு பிராணிகள் திரியை இழுத்துச் சென்று வீட்டில் வசிப்பவர்களை எரித்துவிடக்கூடும்."

(இதன் அறிவிப்பாளர்களில் ஒருவரான) அதா (ரஹ்) அவர்கள், "(ஜின்களுக்குப் பதிலாக) ஷைத்தான்கள்" என்று கூறினார்கள்.

ஜாபிர் பின் அப்துல்லாஹ் (ரழியல்லாஹு அன்ஹுமா) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள்: "பாத்திரங்களை மூடிவிடுங்கள்; கதவுகளை அடைத்துவிடுங்கள்; விளக்குகளை அணைத்துவிடுங்கள். ஏனெனில், அந்தத் தீய பிராணி (எலி) திரியை இழுத்துச் சென்று, வீட்டில் உள்ளவர்களை எரித்துவிடக்கூடும்."