அப்துல்லாஹ் இப்னு அம்ர் இப்னு அல்-ஆஸ் (ரழி) அவர்கள் அறிவித்தார்கள்:
பீதி ஏற்படும் சமயத்தில் பின்வரும் வார்த்தைகளைக் கூறுமாறு அல்லாஹ்வின் தூதர் (ஸல்) அவர்கள் அவர்களுக்குக் கற்பித்து வந்தார்கள்: அல்லாஹ்வின் பரிபூரணமான வார்த்தைகளைக் கொண்டு அவனுடைய கோபத்திலிருந்தும், அவனுடைய அடியார்களின் தீங்கிலிருந்தும், ஷைத்தான்களின் தீய தூண்டுதல்களிலிருந்தும், அவை (என்னிடம்) வருவதை விட்டும் நான் பாதுகாப்புத் தேடுகிறேன். அப்துல்லாஹ் இப்னு அம்ர் (ரழி) அவர்கள், பருவ வயதை அடைந்த தங்கள் பிள்ளைகளுக்கு இதனைக் கற்பித்து வந்தார்கள், மேலும், பருவ வயதை அடையாத பிள்ளைகளுக்கு அதனை (ஒரு பொருளில்) எழுதி, அதைக் குழந்தையின் கழுத்தில் தொங்கவிட்டு விடுவார்கள்.