குரைப் (ரஹ்) அவர்கள் கூறியதாவது:

இப்னு அப்பாஸ் (ரலி), மிஸ்வர் பின் மக்ரமா (ரலி) மற்றும் அப்துர் ரஹ்மான் பின் அஸ்ஹர் (ரலி) ஆகியோர் என்னை ஆயிஷா (ரலி) அவர்களிடம் அனுப்பினார்கள். (அவர்கள் என்னிடம்) "எங்கள் அனைவரின் சார்பாக அவர்களுக்கு சலாம் சொல்; அஸ்ர் தொழுகைக்குப் பின்னுள்ள இரண்டு ரக்அத்களைப் பற்றி அவரிடம் கேள்; 'நீங்கள் அவ்விரண்டையும் தொழுவதாக எங்களுக்குச் செய்தி எட்டியது. ஆனால், நபி (ஸல்) அவர்கள் அதைத் தடுத்துள்ளார்கள் என எங்களுக்குச் செய்தி கிடைத்துள்ளது' என்று அவர்களிடம் கூறு" (என்று பணித்தார்கள்). மேலும் இப்னு அப்பாஸ் (ரலி) அவர்கள், "உமர் பின் அல்கத்தாப் (ரலி) அவர்களுடன் சேர்ந்து நானும் மக்களில் யார் அதைத் தொழுதாலும் அவர்களை (அதைத் தொழுவதிலிருந்து தடுப்பதற்காக) அடிப்பவனாக இருந்தேன்" என்றும் கூறினார்கள்.

நான் ஆயிஷா (ரலி) அவர்களிடம் சென்று, அவர்கள் என்னை அனுப்பி வைத்த செய்தியைத் தெரிவித்தேன். அதற்கு ஆயிஷா (ரலி), "உம்மு ஸலமாவிடம் கேள்" என்று கூறிவிட்டார்கள். நான் அவர்களிடம் (என்னை அனுப்பியவர்களிடம்) வெளியேறி வந்து, ஆயிஷா (ரலி) கூறியதைத் தெரிவித்தேன். உடனே அவர்கள் ஆயிஷா (ரலி) அவர்களிடம் என்ன சொல்லி அனுப்பினார்களோ அதே விஷயத்தைக் கொடுத்து என்னை உம்மு ஸலமா (ரலி) அவர்களிடம் அனுப்பினார்கள்.

அதற்கு உம்மு ஸலமா (ரலி) அவர்கள் (பின்வருமாறு) கூறினார்கள்:
"நபி (ஸல்) அவர்கள் அதைத் தடுப்பதை நான் கேட்டிருக்கிறேன். பின்னர் அவர்கள் அஸ்ர் தொழுத பின் (என் வீட்டிற்கு) வந்தபோது அவ்விரண்டு ரக்அத்களையும் தொழுவதை நான் கண்டேன். அப்போது என்னிடம் பனூ ஹராம் குலத்தைச் சேர்ந்த அன்சாரிப் பெண்கள் சிலர் இருந்தனர். உடனே நான் (என்) பணிப்பெண்ணை அவரிடம் (நபி (ஸல்) அவர்களிடம்) அனுப்பி, 'நீ அவர் அருகே நின்று, "உம்மு ஸலமா உங்களுக்குச் சொல்கிறார்கள்: இறைத்தூதர் அவர்களே! தாங்கள் இதைத் தடுப்பதை நான் செவியுற்றிருக்கிறேன். ஆனால், தாங்களே இதைத் தொழுவதை நான் பார்க்கிறேனே!" என்று கூறு. அவர் தம் கையால் சைகை செய்தால் அவரிடமிருந்து விலகிவிடு' என்று சொன்னேன்.

அப்பெண்ணும் அவ்வாறே செய்தார். நபி (ஸல்) அவர்கள் கையால் சைகை செய்யவே, அப்பெண் அவரிடமிருந்து விலகிவிட்டார். நபி (ஸல்) அவர்கள் (தொழுகையை முடித்துத்) திரும்பியதும், "அபூ உமைய்யாவின் மகளே! அஸ்ருக்குப் பின்னுள்ள இரண்டு ரக்அத்கள் பற்றிக் கேட்டாய். அப்துல் கைஸ் கூட்டத்தார் என்னிடம் வந்ததால் லுஹ்ருக்குப் பின்னுள்ள இரண்டு ரக்அத்களைத் தொழவிடாமல் என்னை அலுவலில் ஆழ்த்திவிட்டனர். அந்த இரண்டு ரக்அத்களே இவை (இப்போது நான் தொழுதது)" என்று கூறினார்கள்.

புகைர் அவர்கள் அறிவித்தார்கள்:

இப்னு அப்பாஸ் (ரலி) அவர்களின் முன்னாள் அடிமையான குறைப் அவர்கள், இப்னு அப்பாஸ் (ரலி), அப்துர் ரஹ்மான் பின் அஸ்ஹர் (ரலி), மிஸ்வர் பின் மக்ரமா (ரலி) ஆகியோர் தம்மை ஆயிஷா (ரலி) அவர்களிடம் அனுப்பி வைத்ததாகத் தெரிவித்தார்கள். அவர்கள் (குறைப் அவர்களிடம்), "எங்கள் அனைவரின் சலாமை அவர்களுக்குத் தெரிவி. அஸர் தொழுகைக்குப் பின்னுள்ள இரண்டு ரக்அத்கள் குறித்து அவரிடம் கேள். 'தாங்கள் அதைத் தொழுவதாக எங்களுக்குச் செய்தி வந்துள்ளது; ஆனால், நபி (ஸல்) அவர்கள் அதைத் தடை செய்திருக்கிறார்கள் என்று எங்களுக்குத் தகவல் எட்டியுள்ளதே' என்றும் அவரிடம் சொல்" என்று கூறினர். மேலும் இப்னு அப்பாஸ் (ரலி) அவர்கள், "நானும் உமர் (ரலி) அவர்களும் அந்த இரண்டு ரக்அத்களைத் (தொழுபவர்களைத்) தடுத்து அடிப்பது வழக்கம்" என்றும் கூறினார்கள்.

குறைப் அவர்கள் கூறினார்கள்: "நான் ஆயிஷா (ரலி) அவர்களிடம் சென்று, அவர்கள் என்னை அனுப்பி வைத்த செய்தியைத் தெரிவித்தேன். அதற்கு ஆயிஷா (ரலி), 'உம்மு ஸலமாவிடம் கேள்' என்று கூறிவிட்டார்கள். நான் (என்னை அனுப்பியவர்களிடம் திரும்பிச் சென்று) விஷயத்தைக் கூறினேன். அவர்கள் என்னை ஆயிஷா (ரலி) அவர்களிடம் அனுப்பிய அதே செய்தியைக் கொடுத்து, உம்மு ஸலமா (ரலி) அவர்களிடம் அனுப்பினார்கள்."

உம்மு ஸலமா (ரலி) அவர்கள் (பின்வருமாறு) பதிலளித்தார்கள்:
"நபி (ஸல்) அவர்கள் அவ்விரண்டு ரக்அத்களைத் தடுப்பதை நான் செவியுற்றிருக்கிறேன். (ஆனால் ஒருமுறை) அவர்கள் அஸர் தொழுதுவிட்டு என்னிடம் வந்தார்கள். என்னிடம் பனூ ஹராம் குலத்தைச் சார்ந்த அன்சாரிப் பெண்கள் சிலர் இருந்தனர். அப்போது நபி (ஸல்) அவர்கள் அவ்விரண்டையும் தொழுதார்கள். நான் பணிப்பெண்ணை அவர்களிடம் அனுப்பி, 'நீ அவர்களுக்குப் பக்கத்தில் நின்று, "உம்மு ஸலமா கூறுகிறார்கள்: அல்லாஹ்வின் தூதரே! இந்த இரண்டு ரக்அத்களைத் தொழுவதை தாங்கள் தடுப்பதை நான் கேட்டிருக்கிறேன். ஆனால், தாங்களே அதைத் தொழுவதை நான் பார்க்கிறேனே?" என்று கேள். அவர்கள் தமது கையால் சைகை செய்தால் (பேசாமல்) சற்றே விலகி நில்' என்று கூறினேன்.

அப்பெண்ணும் அவ்வாறே செய்தார். நபி (ஸல்) அவர்கள் தமது கையால் சைகை செய்தார்கள். அப்பெண் அவர்களிடமிருந்து விலகி நின்றார். நபி (ஸல்) அவர்கள் தொழுது முடித்ததும், 'அபூ உமைய்யாவின் மகளே! அஸருக்குப் பின்னுள்ள இரண்டு ரக்அத்கள் பற்றிக் கேட்டாய். அப்துல் கைஸ் கூட்டத்தார் தங்கள் சமூகத்தாரின் இஸ்லாம் ஏற்பு விஷயமாக என்னிடம் வந்திருந்தனர். அவர்கள் லுஹருக்குப் பின்னுள்ள இரண்டு ரக்அத்களைத் தொழ விடாமல் என்னை (வேலையில்) ஈடுபடுத்திவிட்டனர். அந்த இரண்டு ரக்அத்களே இவை' என்று கூறினார்கள்."

இப்னு அப்பாஸ் (ரழி) அவர்களின் (விடுதலை செய்யப்பட்ட) அடிமையான குரைப் (ரஹ்) அவர்கள் கூறியதாவது:

அப்துல்லாஹ் பின் அப்பாஸ் (ரழி), அப்துர் ரஹ்மான் பின் அஸ்ஹர் (ரழி), மிஸ்வர் பின் மக்ரமா (ரழி) ஆகியோர் என்னை நபி (ஸல்) அவர்களின் துணைவியார் ஆயிஷா (ரழி) அவர்களிடம் அனுப்பினார்கள். அவர்கள், "எங்கள் அனைவரின் சார்பாக அவருக்கு ஸலாம் கூறுவீராக! மேலும், அஸ்ருக்குப் பிந்தைய இரண்டு ரக்அத்கள் குறித்து அவரிடம் கேட்பீராக! ஏனெனில், 'தாங்கள் அதைத் தொழுவதாக நாங்கள் அறிகிறோம்; ஆனால், இறைத்தூதர் (ஸல்) அவர்கள் அதைத் தடுத்துள்ளார்கள் என எங்களுக்குச் செய்தி கிடைத்துள்ளது' என்றும் கூறுவீராக!" என்று சொல்லி அனுப்பினார்கள்.

(இதை அறிவிக்கும்) இப்னு அப்பாஸ் (ரழி) அவர்கள், "நானும் உமர் பின் அல்கத்தாப் (ரழி) அவர்களும் மக்களை (அஸ்ருக்குப் பிந்தைய இரண்டு ரக்அத்களை) தொழுவதிலிருந்து தடுத்து வந்தோம்" என்று கூறுபவர்களாக இருந்தார்கள்.

குரைப் கூறினார்: நான் ஆயிஷா (ரழி) அவர்களிடம் சென்று, அவர்கள் என்னிடம் சொல்லி அனுப்பிய செய்தியைத் தெரிவித்தேன். அதற்கு ஆயிஷா (ரழி), "(இதைப்பற்றி) உம்மு ஸலமாவிடம் கேள்" என்று கூறிவிட்டார்கள். நான் (என்னை அனுப்பிய) அவர்களிடமே (திருப்பி) சென்று, ஆயிஷா (ரழி) கூறியதைத் தெரிவித்தேன். அவர்கள் என்னை ஆயிஷா (ரழி) அவர்களிடம் எதைக் கூறி அனுப்பினார்களோ அதையே கூறி உம்மு ஸலமா (ரழி) அவர்களிடமும் அனுப்பினார்கள்.

அதற்கு உம்மு ஸலமா (ரழி) அவர்கள் கூறியதாவது:
இறைத்தூதர் (ஸல்) அவர்கள் அவ்விரு ரக்அத்களையும் தடுப்பதை நானும் கேட்டுள்ளேன். பின்னர் அவர்கள் அதைத் தொழுவதையும் பார்த்துள்ளேன். (ஒரு முறை) அவர்கள் அஸ்ர் தொழுதுவிட்டு (தமது வீட்டிற்குள்) வந்தார்கள். அப்போது அன்ஸாரிகளில் பனூ ஹராம் குலத்தைச் சேர்ந்த பெண்கள் சிலர் என்னுடன் இருந்தனர். அப்போது அவர்கள் அவ்விரு ரக்அத்களையும் தொழுதார்கள்.

உடனே நான் (என்னுடைய) சிறுமியிடம், "நீ அவர்களுக்கு அருகில் நின்று, 'இறைத்தூதர் அவர்களே! இவ்விரு ரக்அத்களைத் தாங்கள் தடுப்பதை நான் கேட்டுள்ளேன்; ஆனால், தாங்களே இதைத் தொழுகிறீர்களே?' என்று உம்மு ஸலமா கேட்கிறார் என்று சொல். அவர்கள் கையால் சைகை செய்தால் (மேற்கொண்டு பேசாமல்) விலகி நில்" என்று கூறி அனுப்பினேன்.

அச்சிறுமியும் அவ்வாறே செய்தாள். நபி (ஸல்) அவர்கள் கையால் சைகை செய்ததும் அவள் விலகி நின்றாள். தொழுது முடித்ததும் அவர்கள், "அபூ உமைய்யாவின் மகளே! அஸ்ருக்குப் பிந்தைய இரண்டு ரக்அத்கள் பற்றிக் கேட்டாய். என்னிடம் அப்துல் கைஸ் கூட்டத்தார் தங்கள் சமூகத்தாரிடமிருந்து இஸ்லாத்தை ஏற்கும் செய்தியுடன் வந்தனர். அவர்கள் என்னை லுஹ்ருக்குப் பின்னாலுள்ள இரண்டு ரக்அத்களைத் தொழவிடாமல் (பேச்சுவார்த்தையில்) ஈடுபடுத்திவிட்டனர். அந்த இரண்டு ரக்அத்களே இவை" என்று கூறினார்கள்.