அனஸ் பின் மாலிக் (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் தபூக் கஸ்வாவிலிருந்து திரும்பினார்கள். அவர்கள் மதீனாவை நெருங்கியபோது, "நிச்சயமாக மதீனாவில் சிலர் இருக்கிறார்கள். நீங்கள் எந்தப் பயணத்தை மேற்கொண்டாலும், எந்தப் பள்ளத்தாக்கைக் கடந்தாலும் அவர்களும் உங்களுடனேயே இருக்கிறார்கள்" என்று கூறினார்கள். அவர்கள், "அல்லாஹ்வின் தூதரே! அவர்கள் மதீனாவில் இருந்துகொண்டேயுமா?" என்று கேட்டார்கள். அதற்கு அவர்கள், "அவர்கள் மதீனாவில்தான் இருக்கிறார்கள்; தக்க காரணம் அவர்களைத் தடுத்துவிட்டது" என்று கூறினார்கள்.