சுவைத் இப்னு ஹன்ழலா (ரழி) அவர்கள் அறிவிக்கிறார்கள்:

நாங்கள் அல்லாஹ்வின் தூதர் (ஸல்) அவர்களை நாடிப் புறப்பட்டோம். எங்களுடன் வாயில் இப்னு ஹுஜ்ர் (ரழி) அவர்களும் இருந்தார்கள். அவருடைய எதிரி ஒருவர் அவரைப் பிடித்துக்கொண்டார். மக்கள் (சத்தியம் செய்வதில் மார்க்கச் சங்கடம் உணர்ந்து) தயங்கினார்கள். ஆனால் நான், 'நிச்சயமாக அவர் என் சகோதரர்' என்று சத்தியம் செய்தேன். எனவே, அவர்கள் அவரை விடுவித்துவிட்டார்கள். நாங்கள் அல்லாஹ்வின் தூதர் (ஸல்) அவர்களிடம் வந்து, மக்கள் (சத்தியம் செய்ய) தயங்கியதையும், நான் 'நிச்சயமாக அவர் என் சகோதரர்' என்று சத்தியம் செய்ததையும் அவர்களிடம் கூறினேன். அதற்கு அவர்கள், 'நீர் உண்மையே சொன்னீர். ஒரு முஸ்லிம் மற்றொரு முஸ்லிமின் சகோதரர் ஆவார் (என்ற அடிப்படையில் நீர் சத்தியம் செய்தது சரியே).' என்று கூறினார்கள்.