முஹம்மத் பின் அல்-ஹனஃபிய்யா அறிவித்தார்கள்:
நான் என் தந்தை (`அலீ பின் அபீ தாலிப் (ரழி)) அவர்களிடம், "அல்லாஹ்வின் தூதர் (ஸல்) அவர்களுக்குப் பிறகு மக்களில் சிறந்தவர் யார்?" என்று கேட்டேன். அவர், "அபூபக்ர் (ரழி)" என்று கூறினார்கள். நான், "பிறகு யார்?" என்று கேட்டேன். அவர், "பிறகு `உமர் (ரழி)" என்று கூறினார்கள். அவர் (`உஸ்மான் (ரழி) என்று) கூறிவிடுவாரோ என்று நான் அஞ்சினேன். (அதனால்) நான், "பிறகு நீங்கள்?" என்று கேட்டேன். அதற்கு அவர், "நான் முஸ்லிம்களில் ஒருவன் மட்டுமே" என்று கூறினார்கள்.