அனஸ் (ரழி) அவர்கள் கூறினார்கள்:
"அல்லாஹ்வின் தூதர் (ஸல்) அவர்கள் மதீனாவிற்கு வருகை தந்தபோது, முஹாஜிர்கள் அவரிடம் வந்து கூறினார்கள்: 'அல்லாஹ்வின் தூதரே! நாங்கள் தங்கியிருக்கும் இந்த மக்களை விட, (செல்வம்) அதிகமாக இருக்கும்போது வாரி வழங்குவதிலும், (செல்வம்) குறைவாக இருக்கும்போது (எங்களுடன்) பகிர்ந்து (தேவைகளை நிறைவேற்றி) ஆறுதல் அளிப்பதிலும் சிறந்த ஒரு கூட்டத்தாரை நாங்கள் கண்டதில்லை. (வாழ்க்கையின்) சிரமங்களை அவர்கள் எங்களுக்காக ஏற்றுக்கொண்டார்கள். மேலும், (அதன்) பலன்களிலும் (இன்பங்களிலும்) எங்களையும் கூட்டாக்கிக் கொண்டார்கள். எந்தளவிற்கென்றால், நன்மைகள் அனைத்தும் (மறுமையில்) அவர்களுக்கே போய்விடுமோ என்று நாங்கள் அஞ்சுகிறோம்.' அதற்கு நபி (ஸல்) அவர்கள் கூறினார்கள்: 'இல்லை (அவ்வாறு ஆகாது). நீங்கள் அவர்களுக்காக அல்லாஹ்விடம் பிரார்த்தனை செய்து, அவர்களைப் புகழ்ந்து (நன்றி செலுத்தி) வரும் காலமெல்லாம் (அவர்களுக்குரிய நன்மையுடன் உங்களுக்கும் நன்மை உண்டு).'"

அனஸ் (ரழி) அவர்கள் அறிவித்தார்கள்: முஹாஜிர்கள், “அல்லாஹ்வின் தூதரே! அன்சார்கள் எல்லா நன்மைகளையும் (தங்கள் தியாகங்கள் மற்றும் உதவிகள் மூலம்) எடுத்துக் கொண்டார்கள் (என்று நாங்கள் அஞ்சுகிறோம்)!” என்று கூறினார்கள். அதற்கு அவர் (ஸல்), “இல்லை. நீங்கள் அவர்களுக்காக அல்லாஹ்விடம் பிரார்த்தித்து, அதற்காக அவர்களைப் புகழும் காலமெல்லாம் (உங்களுக்கும் நன்மைகள் உண்டு; உங்கள் நன்மைகள் குறைந்துவிடாது)” என்று கூறினார்கள்.