அபூ ஹாஸிம் (ரஹ்) அவர்கள் கூறினார்கள்:
அன்-நுஃமான் பின் அபீ அய்யாஷ் அவர்கள், நான் (ஒரு ஹதீஸை) கூறுவதைக் கேட்டதும், "இதை நீங்கள் ஸஹ்ல் (ரலி) அவர்களிடமிருந்து இவ்வாறே கேட்டீர்களா?" என்று கேட்டார்கள். நான், "ஆம்" என்றேன். அதற்கு அவர்கள் கூறினார்கள்: "அபூ ஸயீத் அல்-குத்ரீ (ரலி) அவர்கள், (நபி (ஸல்) அவர்களின்) இக்கூற்றில் பின்வருமாறு அதிகப்படியாக அறிவித்ததை நான் செவியுற்றேன் என்பதற்குச் சாட்சி கூறுகிறேன்:
(நபி (ஸல்) அவர்கள் கூறினார்கள்:) 'எனவே நான் (மறுமையில்), ‘இவர்கள் என்னைச் சேர்ந்தவர்கள்’ என்பேன். அப்போது, ‘உங்களுக்குப் பின் இவர்கள் (மார்க்கத்தில்) என்னென்ன புதியவற்றை உண்டாக்கினார்கள் என்பது உங்களுக்குத் தெரியாது’ என்று கூறப்படும். அதற்கு நான், ‘எனக்குப் பிறகு (மார்க்கத்தை) மாற்றியவர்கள் (இறையருளிலிருந்து) தொலைவில் செல்லட்டும், தொலைவில் செல்லட்டும்!’ என்பேன்.”
இப்னு அப்பாஸ் (ரலி) அவர்கள் கூறினார்கள்: "'ஸுஹ்க்கன்' (என்பது) 'தூரம்' (எனும் பொருளைத் தரும்). 'ஸஹீக்' என்றால் 'தொலைவானது' என்றும், 'அஸ்ஹக்கஹு' என்றால் 'அவனைத் தூரமாக்கினான்' என்றும் சொல்லப்படும்."